ایک پریس ریلیز کے ذریعے2020 میں منعقد ہونے والے بہار مدرسہ بورڈ کے امتحانات کی نئی تاریخ کی اطلاع تمام مدارس کے پرنسپل، صدر مدرس، طلباء و طالبات دی گئی ہے۔
مدرسہ اسلامیہ یتیم خانہ کے انچارج پرنسپل مولانا شاہد عادل قاسمی نے بتایا کہ بورڈ سے ہمیں یہ اطلاع ملی کہ آن لائن فارم بھرنے کی تاریخ 15 اکتوبر تک توسیع کر دی گئی ہے۔
نئی تاریخ کے مطابق اب طلباء و طالبات 15 ستمبر 2019 سے 15 اکتوبر 2019 تک آن لائن فارم بھر سکتے ہیں، ساتھ ہی پرائیویٹ امیدواروں کو پرمیشن فارم جمع کرنے کی تاریخ 30 ستمبر تک توسیع کر دی گئی ہے۔
وہیں دوسری جانب مدرسہ بورڈ اساتذہ کی بحالی ملتوی کرنے پر یہاں کے اساتذہ میں کافی مایوسی دیکھی جا رہی ہے ۔
واضح رہے کہ مدرسہ بورڈ نے 1128 مدارس کے لئے 3381 سائنس اساتذہ کی بحالی کا شیڈول جاری کیا تھا جس سے طلباء میں خوشی کی لہر تھی مگر اب اسے ملتوی کر دیا گیا ہے،جس سے طلبہ میں مایوسی ہے۔