سیکولرازم کے نام پر مسلمانوں کا استحصال ہوا: خالد انور

سیکولرازم کے نام پر بہار کے مسلمانوں کا استحصال ہوا۔ لالو یادو نے 15 سال تک غریبوں اور مسلمانوں کو ٹھگا ہے۔ یہ کہنا ہے جے ڈی یو کے قانون ساز کونسل کے رکن خالد انور کا۔

ریاست بہار میں اسمبلی انتخابات ستمبر میں ہونے کی امید ہے جس کی تیاریاں ابھی سے شروع ہو گئیں ہیں ساتھ ہی بیان بازیوں کا سلسلہ بھی زوروں پر ہے .

جے ڈی یو کے رکن قانون ساز کونسل خالد انور نے ای ٹی وی بھارت سے خصوصی گفتگو میں کہا کہ 'بہار میں سیکولرازم کے نام پر مسلمانوں کا استحصال 70 برسوں سے ہو رہا ہے. لالویادو پر سیکولرازم کے نام پر بہار کے غریب مسلمانوں کو دھوکہ دینے کا الزام عائد کرتے ہوئے انہوں نے کہا کہ 'لالویادو نے اپنے 15 سالہ دور اقتدار میں سیکولر نواز غریبوں اور مسلمانوں کو ٹھگا ہے.'

انہوں نے ایک سوال کے جواب میں کہا کہ نتیش کمار نے سیکولرازم کی پاسداری کی ہے. لوگ اب سمجھ چکے ہیں کہ سیکولرازم پر عمل کرنے والے نتیش کمار ہی ہیں اس لوگ بڑی تعداد میں جے ڈی یو سے جڑ رہے ہیں. آنے والے اسمبلی انتخاب میں چوکانے والے نتیجے ہون گے.