'مجھے سی پی آئی اور کانگریس کی حمایت حاصل'

ملک بھر میں عام انتخابات کے پیش نظر سیاسی پارٹیوں کی گہما گہمی اور رہنماؤں کا پارٹی بدلنے کا سلسلہ جاری ہے۔

کانگریس کے سابق ترجمان اور مدھوبنی سے لوک سبھا انتخابات میں آزاد امیدوار کے طور پر کھڑے شکیل احمد نے ای ٹی وی بھارت سے بات چیت کرتے ہوئے کہا کہ 'سی پی آئی نے ان کی بھرپور حمایت کرنے کا اعلان کیا ہے لیکن پہلے اس سے قبل انہوں نے اس بات کی تصدیق کی کہ اقلیت کا ووٹ مدھوبنی میں کس کو جائے گا جس کے نتیجے میں انہیں پتہ چلا کہ اقلیت کے ووٹ شکیل احمد کو ہی جائیں گے'۔

انہوں نے مزید کہا کہ ' تین طلاق کا مسلئہ بی جے پی محض مسلمانوں کو بدنام کرنے کے لیے اٹھا رہی ہیں'۔

شکیل احمد کا کہنا ہے کہ ' میں آزاد امیدوار کی حیثیت سے انتخابات میں حصہ لے رہا ہوں لیکن کانگریس میری بھرپور حمایت کررہی ہے'۔

انہوں نے مزید کہا کہ 'بابری مسجد سانحہ پر میں نے ہی اس وقت کے وزیراعظم کو سخت خط لکھ کر مخالفت کی تھی، وہ خط آج بھی خدا بخش لائبریری میں موجود ہے'۔

واضح رہے کہ شکیل احمد مدھوبنی سے آزاد امیدوار کی حیثیت انتخابات میں حصہ لے رہیں ہے۔