'ہر گرام پنچایت میں بینک کا ہونا ضروری ہے'

ریاست بہار کے وزیر اعلیٰ نتیش کمار نے آج بینک افسران کے ساتھ میٹنگ کے دوران کہا کہ بہار میں ہر گرام پنچایت کی آبادی تقریبا 12 ہزار ہے، اسلیے تمام گرام پنچایتوں میں برانچ کھولے جائے تاکہ عوام کو فائدہ پہنچے۔

دارالحکومت پٹنہ کے ہوٹل موریہ میں ریاست گیر سطح کی بینکر کمیٹی کی 69ویں نشست کا انعقاد کیا گیا۔ اس نشست کی صدارت کرتے ہوئے وزیر اعلی نتیش کمار نے بینکوں کے افسران سے اپیل کرتے ہوئے کہا کہ بینک ریاست کے ہر گرام پنچایت میں اپنا برانچ کھولیں اس کے لیے حکومت انہیں مفت میں جگہ مہیا کر آئے گی۔

انہوں نے بینکر سے اپیل کرتے ہوئے کہا کہ ریاست میں ہر گرام پنچایت کی آبادی تقریبا 12 ہزار ہے آپ اس پر ضرور توجہ دیں ایسے میں اگر ان تمام گرام پنچایتوں میں بینک کے برانچ کھول دیے جائے تو لوگوں کو اس سے کافی فائدہ پہنچے گا۔

انہوں نے کہا کہ حکومت اس کے لیے پنچایت کی عمارت میں بینکوں کو مفت میں جگہ مہیا کرائے گی۔

وزیراعلی نے کہا کہ دیہی علاقوں میں ایک آفیسر والا برانچ نہیں ہونا چاہیے، کیونکہ کہ اگر ایک آفیسر کی طبیعت خراب ہوئی تو بینک بند ہوجاتے ہیں۔

وزیراعلی نے آر بی آئی کے ڈپٹی گورنر سے کہا کہ آپ لوگ کم سے کم دو آفیسر رکھے ایسا کرنے سے ملک میں روزگار بھی بڑھے گا۔

وزیر اعلی نتیش کمار نے کہا کہ گذشتہ کئی برسوں سے میں بینکوں سے گذارش کر رہا ہوں لیکن میری بات بینک نہیں سنتے ہیں دیہی علاقوں میں ابھی جو بینکوں کا نظام ہے اس سے لوگ مطمئن نہیں ہے ہیں اس لیے بینک کے برانچ ہونا ضروری ہے۔