مدرسہ بورڈ کا امتحان ختم

ریاست بہار کے مدرسہ بورڈ کے تحت فوقانیہ و مولوی کے امتحانات ختم ہوگئے۔

بہار مدرسہ ایجوکیشن بورڈ پٹنہ کے تحت یکم جولائی سے شروع ہونے والا فوقانیہ و مولوی امتحان آج بحسن و خوبی اختتام پذیر ہوا۔

امتحان دو نشستوں میں شہر کے مختلف مراکز پر لئے جا رہے تھے جس میں ہزاروں طلباء و طالبات شریک ہوئے۔

ارریہ میں فوقانیہ امتحان کے لئے گیارہ مراکز بنائے گئے تھے جب کہ مولوی کے لئے دس مراکز پر طلباء امتحان دے رہے تھے۔ تمام مراکز پر کل 12،331 طلبا و طالبات شریک ہوئے ہیں۔