امیر شریعت مولانا ولی رحمانی علیہ رحمہ کے ذریعہ امارت شرعیہ کی جانب سے تحفظ اُردو کے علاوہ تعلیم صحت اور امارت شرعیہ کی مختلف ریاستوں اور اضلاع میں قائم دارالقضا کی اپنی اپنی عمارت کی کوشش اور دوسرے رفاہی کاموں کو نائب امیر شریعت آگے بڑھانے میں مصروف ہیں۔
ای ٹی وی سے خصوصی ملاقات میں انہوں نے بتایا کہ امیر شریعت سادس مولانا ولی رحمانی علیہ رحمہ نے جن کاموں کو شروع کیا تھا ان کو پورا کرنے کی ہر ممکن کوشش کی جا رہی ہے۔ ہم نے تمام لوگوں کو ہدایت دی ہے کہ کوئی بھی کام باقی نہ رہے۔ انہوں نے بتایا کہ دارالقضا، دارالافتاء اور دوسرے شرعی کاموں کے علاوہ رفاہی کاموں کو بھی کیا جا رہا ہے۔ انہوں نے کہا کہ ارریا اور بھاگلپور میں ہسپتال کا قیام عمل میں آئے گا۔ اس کے لئے لوگ تیاریاں کر رہے ہیں. میں جہاں بھی جاتا ہوں اہل سروت سے تعلیمی اور صحت کے شعبے میں کام کرنے کی اپیل کرتا ہوں۔ مزید پڑھیں: موب لنچنگ کے شکار اسماعیل کے گھر والوں کی امارت شرعیہ کی جانب سے امداد
انہوں نے بتایا کہ ولی رحمانی علیہ رحمہ نے بنیادی تعلیم کے فروغ کیلئے اسکول کھولنے کا فیصلہ کیا تھا، اس کے لئے کوششیں جاری ہیں۔ امارت شریعہ کے مرکزی دفتر میں واقع مولانا سجاد میموریل اسپتال کو معیاری اسپتال بنانے کی تیاری چل رہی ہے۔
مولانا سجاد میموریل ہسپتال امیر شریعت سادس مولانا ولی رحمانی علیہ رحمہ نے اُردو کے فروغ کے لئے اردو کارواں کی بنیاد رکھی تھی، اس کے عہدے داران کی میٹنگ حکومتی رکن سے ہوئی ہے۔ وزیر تعلیم نے مسائل کے حل کی یقین دہانی کرائی ہے۔
