بہار میں عید میلاد النبی جوش و خروش کے سے منائی جا رہی ہے۔ اگرچہ کووڈ-19 کے پیش نظر بڑے جلوس کی اجازت نہیں ہے، تاہم اس بار گذشتہ سال کے مقابلے میں ضلع گیا کے مسلم علاقوں میں یوم ولادت نبیﷺ کے موقع پر زیادہ خوشگوار اور جشن کا ماحول ہے۔
عید میلاد النبی کا جوش و خروش کے ساتھ اہتمام کیا گیا
خانقاہ چشتیہ منعمیہ ابوالعلائیہ میں صبح صادق کے وقت سے ہی مرحبا یا رسول اللہ ﷺ کی صدائیں بلند ہونے لگی تھیں۔ بعد نماز فجر قرآن خوانی اور نعتیہ مشاعرے کے بعد دس بجے سے موئے مبارک صلی اللہ علیہ وسلم اور تبرکات بزرگانِ دین کی زیارت کرانے کا سلسلہ شروع ہوا، جو شام چار بجے تک جاری رہا۔
خواتین کے لیے بعد نماز ظہر موئے مبارک اور تبرکات بزرگانِ دین کی زیارت کا وقت طے کیا گیا اور اس کی زیارت خواتین کے ذریعے ہی کرائی گئی۔
مزید پڑھیں:بارہ ربیع الاول کے موقع پر صدر جمہوریہ اور وزیر اعظم کی مبارکباد
ساتھ ہی گیا میں مذہبی اور سماجی تنظیموں کی طرف سے سیرت رسول اکرمﷺ کانفرنس، نعتیہ مشاعرہ و جلسے کے ساتھ دیگر پروگرام منعقد کیے جارہے ہیں۔
گھروں اور محلوں میں صبح سے قرآن خوانی اور فاتحہ خوانی و میلاد النبی کی محفلیں سجائی گئیں۔ یوم ولادت نبی اکرم ﷺ کے موقع پر مبارک باد پیش کرنے کا سلسلہ جاری ہے۔ بہار کے وزیر اعلی نتیش کمار نے بھی عید میلاد النبی کے موقع پر لوگوں کو مبارکباد دی۔