ریاست بہار کے ضلع سمستی پور کے کلیان پور بلاک میں چلائے جانے والے قرنطینہ مراکز کے سلسلے میں ڈی ایس او نے کلیان پور بلاک کا دورہ کر موقع پر ہی بہت ساری ہدایات دیں۔ اس کے علاوہ حکومت ہند کے معیارات کے مطابق اور ڈاکٹروں کی طرف سے جاری کردہ رہنما اصولوں پر ہر صورتحال میں عمل پیرا ہونے کی ہدایت کی۔
سمستی پور: ڈی ایس او نے قرنطینہ مرکز کا کیا معائنہ
بہار کے ضلع سمستی پور کے جناردن پور بیسک اسکول کیمپس میں باہر سے آئے 21 افراد کو قرنطینہ مرکز میں رکھا گیا ہے۔ یہاں کی بد انتظامی کی شکایت پر اظہار برہمی کرتے ہوئے ڈی ایس او نے افسران کو پھٹکار لگائی۔
ڈی ایس او نے قرنطینہ مرکز کا کیا معائنہ
جناردن پور بیسک اسکول کیمپس میں باہر سے آئے 21 افراد کو قرنطینہ مرکز میں رکھا گیا ہے۔ یہاں پر بد انتظامی کی شکایت پر اظہار برہمی کرتے ہوئے ڈی ایس او نے افسران کی سرزنش کی۔ انہوں نے فوری طور پر نظام کو بہتر بنانے کی ہدایات دیں۔ اس موقع پر سی او ابھے پد داس کے ہمراہ بلاک سطح کے متعدد عہدیدار اور اہلکار موجود تھے۔
ڈی ایس او نے باہر سے آنے والے مزدوروں کی ممکنہ تعداد کے پیش نظر بلاک کے مختلف علاقوں میں ایک درجن کے قریب قرنطینہ سینٹرز قائم کرنے کی ہدایت کی۔ تاہم، اس معائنے کے بعد ڈی ایس او نے پہلے ہی شناخت شدہ مراکز کے علاوہ پنچایت سطح پر قرنطینہ مراکز کو تیار کرنے کی ہداہت کی۔ اس کے ساتھ انہوں نے ہر طرح کی مدد کی بھی یقین دہانی کرائی۔