Patna University HOD ڈاکٹر سعید پٹنہ یونیورسٹی کے شعبۂ آثار قدیمہ کے ہیڈ مقرر

گیا کے ڈاکٹر محمد سعید پٹنہ یونیورسٹی میں 'قدیم ہندوستانی تاریخ اور آثار قدیمہ' کے شعبہ کے ہیڈ مقرر کیے گئے ہیں۔ ڈاکٹر سعید کا تعلق ضلع گیا سے ہے۔ Dr Saeed became the Head of Department of Archeology of Patna University

گیا:پٹنہ یونیورسٹی کے رجسٹرار کی جانب سے جاری کردہ نوٹیفکیشن کے مطابق ڈاکٹر محمد سعید عالمکو شعبہ کا ایچ او ڈی بنایا گیا ہے، پروفیسر سعید قدیم ہندوستانی تاریخ اور آثار قدیمہشعبہ کے ایچ او ڈی بنائے گئے ہیں، اُنہیں تین سال کی مدت یا اُن کے سبکدوش ہونے تک جو مدت پہلے پوری ہو اس وقت تک وہ ایچ او ڈی رہیں گے، ڈاکٹر سعیدپٹنہ یونیورسٹی میں ایسوسی ایٹ پروفیسر ہیں، ان کا تعلق گیا شہر کے بنیا پوکھر سے ہے اور وہ شہر میں واقع اقلیتی ادارہ قاسمی ہائی اسکولکے طویل عرصہ تک سکریٹری بھی رہے ہیں، ڈاکٹر سعید تحقیق میں بھی مہارت رکھتے ہیں، ضلع کی فلگو ندی پر بہار حکومت کے تعاون سے تحقیقی کام بھی شروع کرنے والے ہیں، فلگو ندی سناتن مذہب میں بڑی اہمیت کی بھی حامل ہے۔ اس پر اُن کی تحقیق کئی معنوں میں تاریخی ہوگی۔

19728496

ڈاکٹر سعید پٹنہ یونیورسٹی کے شعبۂ آثار قدیمہ کے بنے ہیڈ

ڈاکٹر سعید کئی کتابوں کے مصنف بھی ہیں، یادو ونشی سماج پر مشتمل اُن کی کتاب خوب پسند کی گئی اور وہ سرخیوں میں بھی رہی، ڈاکٹر سعید کا تعلیم کے میدان میں بھی بڑا تعاون رہا ہے۔ ڈاکٹر سعید کو ایچ او ڈی بننے پر ضلع گیا میں تعلیمی حلقہ سے وابستہ شخصیات نے مبارک باد پیش کی ہے۔ مرزا غالب کالج کے پرنسپل ڈاکٹر شجاعت علی خان نےمبارک باد پیش کرتے ہوئے کہا کہ پٹنہ یونیورسٹی اور اس سے ملحق کالجوں کو ڈاکٹر سعید کی صلاحیتوں اور ان کے تجربات کا بھر پور فائدہ حاصل ہوگا۔