دربھنگہ پہنچنے پر ڈاکٹر مشکور عثمانی کا گرم جوشی سے استقبال

علاقے کی عوام اور جانکاروں کے مطابق اس بار 87 جالے اسمبلی حلقہ میں سیدھا اور دلچسپ مقابلہ ہوگا

دربھنگہ ضلع کے دس اسمبلی حلقوں میں سے ایک اہم اسمبلی حلقہ 87 جالے اسمبلی حلقہ سے عظیم اتحاد کی طرف سے کانگریس پارٹی کے امیدوار ڈاکٹر مشکور عثمانی کا دربھنگہ پہنچنے پر گرم جوشی کے ساتھ ان کے حامیوں اور پارٹی کارکنوں نے استقبال کیا۔

ڈاکٹر مشکور عثمانی علی گڑھ مسلم یونیورسٹی کے سابق طلباء یونین لیڈر رہے ہیں، ان کا آبائی گاؤں دربھنگہ ضلع کے علی نگر تحصیل میں واقع ہے۔

جالے اسمبلی حلقہ عثمانی کے لئے انجان نہیں ہے، ڈاکٹر مشکور عثمانی کا دربھنگہ پہنچنے پر جالے اتر بیل شاہراہ پر بٹھولی چوک پر، سنگھوارہ موڑ پر،کٹاسہ بازار، اور دیگر درجنوں مقامات پر علاقے کی عام عوام اور پارٹی کارکنوں نے استقبال کیا۔

اس دوران ان کے ہمراہ دربھنگہ ضلع کے کئی سینئیر لیڈر اور مدھوبنی ضلع کانگریس کے سکریٹری انتظار عالم، اور دیگر افراد موجود تھے۔

علاقے کی عوام اور جانکاروں کے مطابق اس بار 87 جالے اسمبلی حلقہ میں سیدھا اور دلچسپ مقابلہ ہوگا، کانگریس نے پہلی بار جالے اسمبلی حلقہ سے ایک تیز ترار مشہور مسلم نوجوان کو ٹکٹ دیکر مسلم برادری کا یقین جیتنے کی کوشش کی ہے۔