ارریہ: ضلع کلکٹر نے صدر ہسپتال کا اچانک معائنہ کیا

ریاست بہار کے ارریہ ضلع کے کلکٹر پرشانت کمار سی ایچ نے آج اپنی ٹیم کے ساتھ ارریہ صدر ہسپتال کا اچانک معائنہ کرنے پہنچ گئے۔ ضلع کلکٹر کے پہنچتے ہی ہسپتال انتظامیہ حرکت میں آ گئی، ضلع کلکٹر سیدھے ہسپتال میں بنے کووڈ۔ 19 وارڈ کا معائنہ کیا۔ منتظمین سے اس کے دیکھ بھال کے بابت معلومات حاصل کی۔

اس کے علاوہ ضلع کلکٹر نے متعلقہ عہدیداروں سے وارڈ میں سہولیات فراہم کرنے کی ہدایت دی اور وارڈ کے لئے تربیت یافتہ افراد کی دستیابی سمیت تکنیکی پہلوؤں کے بارے میں معلومات حاصل کی۔

واضح رہے کہ کووڈ کے بڑھتے خطرات کے پیش نظر کووڈ مثبت مریضوں کے لئے ہسپتال میں چھ بیڈوں کا الگ سے وارڈ بنایا گیا ہے، جس کا ضلع کلکٹر نے اچانک معائنہ کیا۔

معائنہ کے دوران کلکٹر کورونا سے متاثر مریضوں کی سہولیات کے لئے چلنے والے ضلع کنٹرول روم پہنچے، جہاں انہوں نے دستیاب اہلکاروں کی تعداد، ماہر معالجین کی دستیابی اور دیگر امور کی تفتیش کی۔

نیز ضلع کلکٹر نے تمام کارکنوں کی حوصلہ افزائی بھی کیں تاکہ عملہ کار اپنے فرائض کو ایمانداری سے انجام دیں۔ ساتھ ہی آئی سی یو وارڈ کو جلد سے جلد شروع کرنے کی ہدایت دی۔

معائنے کے بعد صحافیوں کو مخاطب کرتے ہوئے ضلع کلکٹر نے کہا کہ ریاستی حکومت کی طرف سے ارریہ صدر ہسپتال میں چھ بیڈ کا ایک آئی سی یو وینٹی لیٹر لگایا گیا ہے، یہ متاثرہ مریضوں کو ہنگامی خدمات کی فراہمی کے لئے اہم ہے کیونکہ اس میں کورونا انفیکشن کے بڑھتے ہوئے معاملات ہوتے ہیں۔

ضلع کلکٹر نے صدر ہسپتال کا اچانک معائنہ کیا

آج اسی کی معائنہ کرنے پہنچا تھا اور سول سرجن کو جلد سے جلد آئی سی یو وارڈ کو شروع کرنے کی ہدایت دی گئی ہے۔ آنے والے دنوں میں صدر ہسپتال کا آئی سی یو وارڈ ارریہ ضلع کے لئے اعزاز کا باعث ثابت ہوگا۔

اس موقع پر سول سرجن ڈاکٹر ایم پی گپتا، ڈاکٹر راجیش کمار، ڈی پی ایم ڈاکٹر ریحان اشرف، ہسپتال مینیجر وکاس آنند وغیرہ موجود تھے۔