خیال رہے کہ نیپال کے راستے کوسی اور سیمانچل حلقہ میں عسکریت پسندوں کے داخل ہونے کی خبر وں پر این آئی اے نے کوسی سمیت سیمانچل حلقے کے ریلوے اسٹیشنوں کو ہائی الرٹ جاری کیا تھا، تاکہ کسی طرح کا ناخوشگوار واقعہ پیش نہ آنے پائے۔
اس تعلق سے ای ٹی وی بھارت کے نمائندے ارریہ کورٹ ریلوے اسٹیشن پہنچے اور وہاں موجود محکمہ ریلوے کی جانب سے اٹھائے گئے حفاظتی انتظامات کا جائزہ لیا، تو معلوم ہوا ارریہ کورٹ ریلوے اسٹیشن آج بھی اسی طرح ہے جس طرح ہائی الرٹ سے قبل تھا۔
آنے جانے والے مسافروں کی وہاں نہ تو تلاشی لی جا رہی اور نہ ہی پلیٹ فارم پر کسی طرح کی کوئی نگرانی ہے۔
ہائی الرٹ کے باوجود ارریہ ریلوے اسٹیشن پر کوئی پولس اہلکار نہیں ایسے میں کسی ناخوشگوار واقعہ پیش آ جائے تو اس کا ذمہ دار کون ہوگا۔
خفیہ محکمہ کے ذریعہ بہار میں دہشت گردوں کے داخلے پر بہار کے 16 اضلاع کے ریلوے اسٹیشنوں کو ہائی الرٹ کیا گیا ہے جس میں ارریہ بھی شامل ہے. اس کے باوجود یہاں اسٹیشن پر لاپرواہی صاف دیکھی جا سکتی ہے.
اسٹیشن پر کسی طرح کے نہ کوئی پولس اہلکار تھے، نہ جانچ عملہ ہے اور نہ ریلوے محکمہ کے کوئی اسپیشل فورس.
مسافروں کا کہنا ہے کہ ہائی الرٹ کے باوجود محکمہ ریلوے کی جانب سے مناسب حفاظتی دستے کا نہ لگاناایک غیر ذمہ دارانہ عمل ہے۔
وجے کمار بتاتے ہیں اگر ہائی الرٹ نہیں بھی ہوتا تو اس اسٹیشن پر پولس اہلکاروں کی تعیناتی ضروری ہے کیونکہ یہاں سے روزانہ ہزاروں کی تعداد میں مسافر آمد و رفت کرتے ہیں اور ان کے کسی طرح کی جانچ بھی نہیں ہوتی.
