بہار کابینہ میں مسلم وزیر شامل کرنے کا مطالبہ

بہار کے پٹنہ میں راشٹریہ الپ سنکھیک آرکشن مورچہ نے بہار کابینہ میں مسلم وزیر کو شامل کرنے کا مطالبہ کیا ہے۔ مورچہ ریاست میں مسلمانوں کو ریزرویشن دینے کی لڑائی لڑ رہا ہے۔

ریاست بہار میں وزیر اعلی نتیش کمار کابینہ میں مسلم وزیر کو شامل کرنے کا مطالبہ کئی سیاسی اور سماجی تنظیموں کی جانب سے مسلسل کیا جا رہا ہے۔ جے ڈی یو کے حامی تنظیم 'راشٹریہ الپ سنکھیک آرکشن مورچہ' نے آج حکومت سے کابینہ میں مسلم وزیر کو شامل کرنے کا مطالبہ کیا ہے۔

مورچہ کے صدر پرویز صدیقی نے پریس کانفرنس سے خطاب کرتے ہوئے دعویٰ کیا ہے کہ ہم لوگوں نے بہار انتخابات میں ریاست گیر سطح پر روڈ شو اور این ڈی اے کی حمایت کی ہے۔

ہم لوگوں کی تحریک کی وجہ سے این ڈی اے کو 25 فیصد سے زائد مسلمانوں کے ووٹ ملے ہیں۔ ہمیں یقین ہے کہ سب کو ساتھ لے کر چلنے والے وزیر اعلیٰ نتیش کمار اپنی کابینہ میں مسلم چہرے کو ضرور جگہ دیں گے۔

مسلم وزیر نہیں ہونے کی وجہ سے مسلمانوں میں مایوسی ہے۔ ساتھ ہی پرویز نے مطالبہ کیا ہے کہ اسسٹنٹ اردو کی بحالی جلد کرائی جائے۔

بہار کابینہ میں مسلم وزیر شامل کرنے کا مطالبہ

انہوں نے کہا کہ آج مسلمان متحد ہو چکے ہیں۔ ملک کے مسلمان ہمیشہ برے حالات میں ملک کے ساتھ کھڑے رہے ہیں۔