رام ولاس پاسوان کی آخری رسومات آج

ایل جے پی کے بانی رام ولاس پاسوان کا جسد خاکی آج دہلی سے پٹنہ لایا جائے گا اور پٹنہ کے ڈیگھا گھاٹ میں ریاستی اعزاز کے ساتھ ان کی آخری رسومات ادا کی جائے گی۔

ایل جے پی کے بانی اور مرکزی وزیر رام ولاس پاسوان کا جمعرات کی دیر شام دہلی کے فورٹس ایسکارٹ اسپتال میں انتقال ہوگیا جس کی جانکاری ان کے بیٹے اور ایل جے پی کے قومی صدر چراغ پاسوان نے ٹویٹ کر کے دی۔

اطلاعات کے مطابق رام ولاس پاسوان کی لاش جمعہ کی سہ پہر دہلی سے پٹنہ لائی جائے گی اور پٹنہ کے ڈیگھا گھاٹ میں ریاستی اعزاز کے ساتھ ان کی آخری رسومات ادا کی جائے گی ۔

اس دوران ریاستی حکومت نے فیصلہ کیا ہے کہ آنجہانی پاسوان کی آخری رسومات سرکاری اعزاز کے ساتھ ادا کی جائے گی۔ لاش کو پارٹی کے ریاستی دفتر میں بھی رکھا جائے گا جہاں ان کے حامی اور چاہنے والے آخری دیدار کریں گے۔ پارٹی کے رہنما راجندر وشواکرما نے اس کی جانکاری دی۔