دربھنگہ:ریاست بہار کے ضلع دربھنگہ میں پچھلے دو تین دنوں سے تیز ہوا گرمی لو کے باوجود دربھنگہ کے ایس ایس پی اوکاس کمار کے جنتا دربار میں پریشان فریادیوں کی بھیڑ بڑی تعداد میں دیکھی جا رہی ہے۔ ایس ایس پی دربھنگہ اوکاس کمار مسلسل اپنے جنتا دربار میں آنے والے فریادیوں سے ملاقات کر رہے ہیں اور ان کی پریشانیوں کے حل کے لیے حکم بھی جاری کر رہے ہیں۔
اوکاس کمار بتایا کہ جو پریشان ہوتے ہیں وہی لوگ یہاں آتے ہیں، جنتا دربار میں ملنے کا وقت پہلے سے مقرر ہے، زیادہ تر معاملے زمین تنازع سے متعلق ہوتے ہیں وہیں آج کے جنتا دربار میں ایک لڑکی کو اغوا کرنے کا معاملہ بھی آیا ہے جس کی تلاش پولیس نے شروع کردی ہے۔
وہیں زمین تنازع والے معاملے کے لئے تھانہ لیبل پر ہر سنیچر کے روز سرکل آفیسر کے ساتھ جنتا دربار لگاکر حل کیا جاتا ہے، ہمارے جنتا دربار میں آنے والے پریشان فریادیوں میں سے کئی کے مسئلے یہاں سے بھی حل ہو جاتے ہیں، فریادیوں کی بھیڑ کو خیال میں رکھتے ہوئے یہاں بیٹھنے اور پانی کی بھی سہولت مہیا کی گئی۔
