ضلع گیا کے بھوپ نگر گاؤں میں اشیاء خوردونوش کی تقسیم کے دوران کورونا کا خوف نہیں دکھائی دیا۔ بغیرماسک پہنے اور سماجی دوری کا خیال کئے بغیر اشیاء خوردونوش لینے کے لیے لوگ اکٹھا ہو گئے۔
غریبوں وضرورت مندوں کو کھانے کی امید دکھی تو کورونا کا خوف ختم ہوگیا۔ خوردونوش کی اشیاء تقسیم ہونے لگی تو لوگ سماجی دوری تو دور ماسک لگانا تک بھول گئے۔
دراصل ضلع گیا کے آمس بلاک کے بھوپ نگر گاؤں کا یہ واقعہ ہے جہاں ایک بودھیسٹ تنظیم خوردونوش کی اشیاء تقسیم کرنے پہنچی تھی۔
مقامی باشندوں نے کہا کہ انہیں لاک ڈاون میںں کوئی روزگار نہیں ملا اور راشن کی قلت ہے۔ ان کا کہنا ہے کہ ایک تنظیم نے راشن دیا ہے جوکہ ایک ماہ تک چل سکتا ہے ۔
آپ کو بتادیں کہ یہاں اس لئے بھی ماسک اور سماجی دوری ضروری تھی کہ کیونکہ ضلع گیا میں شہری حلقوں کے بجائے دیہی علاقوں میں کورونا کے مثبت کیسز زیادہ سمانے آرہے ہیں۔