Children's Park in Gaya: گیا میں چلڈرنس پارک اور اوپن جم کی تعمیر

گیا میں بچوں کے لئے پارک Children's Park اور بڑوں کے لیے اوپن جم Open Gym کی تعمیر کامنصوبہ مکمل ہوا ہے۔ گیا میں بچوں کے لئے تعمیر ہونے والا یہ پہلا خصوصی پارک ہے۔

ریاست بہار کے شہر گیا کو عالمی سطح پر مذہبی و سیاحتی مقامات Religious and Tourist Places کے طور پر جانا جاتا ہے۔تاہم یہاں کئی بنیادی سہولیات کا فقدان ہے۔ خاص طور پر سیر وتفریح اور ورزش کے لیے گیا میں کوئی خاص جگہ مقرر نہیں تھی۔تاہم اب گیامیونسپل کارپوریشنGaya Municipal Corporation نے اس کمی کو دور کرنے کی پہل کی ہے۔

میونسپل کارپوریشن نے دو کروڑ روپے کے صرفہ سے شہر سے پانچ کلو میٹر دور کنڈی نوادہ کے پاس " چلڈرنس پارک" Children's Park تعمیر کرایا ہے۔ مذکورہ پارک کا تعمیراتی کام تقریباً مکمل ہوچکا ہے۔ جلدہی اس کا افتتاح عمل میں آئیگا۔یہاں بچوں کے کھلونے، جھولے اور کئی جانوروں کے مجسمے لگے ہیں پارک میں خوبصورت پودے وپھول بھی لگائے گئے ہیں۔

شہر گیا میں واقع گاندھی میدان میں بھی پارک اور جِم کی تعمیر کی گئی ہے۔ حالانکہ یہاں ابھی کام مکمل نہیں ہوا ہے تاہم شہر میں اس طرح کا انتظام پہلے سے نہیں ہونے کی وجہ سے زیر تعمیر پارک اور جم میں بچے بوڑھے جوان اور خواتین کی بھیڑ پہلے سے ہی ہے۔

میونسپل کارپوریشن نے چلڈرنس پارک اور اوپن جم میں مفت داخلہ کا اعلان کیا ہے۔ نصف کلومیٹر دور تک اوپن جم اور پارک کی تعمیر ہورہی ہے.

اوپن جم میں روشنی کے لیے ہری ٹیج لائٹ لگائی جائے گی۔ اوپن جم میں ورزش کررہے کرشنا پرساد نے کہا کہ انہیں تکلیف ہے۔ اور فیزیو تھراپی کے لیے ریڈکراس جانا پڑتا تھا اور وہاں پیسے بھی دینے پڑتے تھے لیکن اب یہاں ورزش کے لیے کئی مشینیں لگائی گئی ہیں جس سے انہیں آرام ہے اور وہ یہاں مفت میں ورزش کررہے ہیں.

وہیں ایک مقامی باشندہ ابھیشیک نے کہا کہ کورونا کی وجہ سے لوگ کافی دنوں تک ذہنی دباؤ میں رہے۔ گیا شہر میں گھومنے اور کھلی کی جگہ نہیں تھی۔ اس لیے اس طرح کی پہل اچھی ہے ۔اور یہاں نوجوان بچے سبھی وقت گزار سکتے ہیں۔

پارک میں بچوں کو لیکر پہنچیں شبانہ پروین اور شازیہ پروین نے کہا کہ بچوں کی اس طرح سے دلجوئی ہوجاتی ہے۔ پہلے یہاں اس طرح کا انتظام نہیں تھا۔بچوں کو لے کر بودھ گیا جانا پڑتا تھا۔ تاہم اب یہیں بچے گھوم سکتے ہیں۔

واضح رہے کہ شہر گیا میں گاندھی میدان کے کنارے آدھے کلومیٹر تک دو کروڑ کی لاگت سے پارک اور اوپن جم کی تعمیر کا چل رہا ہے۔ اس کے علاوہ کنڈی نوادہ میں دو کروڑ کے صرفہ سے صرف چلڈرنس پارک کی تعمیر کی گئی ہے۔