بہار اسٹیٹ سنی وقف بورڈ نے بہار کے دارالحکومت پٹنہ میں انجمن اسلامیہ ہال کی نئی کثیرالمقاصد عمارت کے طور پر تعمیر کرنے کا فیصلہ کیا ہے۔ اس کے مکمل ہونے میں تاخیر ہو رہی ہے۔ ساتھ ہی مزار گلی راجا بازار میں ایک ہسپتال اور دینی ادارے کے علاوہ ہائی کورٹ مزار کے املاک کو توسیع دے کر زائرین کے لیے مسافر خانہ اور مارکیٹ کمپلیکس کی تعمیر کا فیصلہ کیا گیا ہے۔ ان تینوں عمارتوں کی تعمیر پر 70 کروڑ روپیے حکومت خرچ کر رہی ہے۔
وقف بورڈ کے تحت پٹنہ میں غریبوں کے لیے ہسپتال کی تعمیر
بہار سنی وقف بورڈ کے چیئرمین ارشاد اللہ نے ای ٹی وی بھارت سے خصوصی بات چیت میں کہا کہ انجمن اسلامیہ ہال کی تعمیر آخری مرحلے میں ہے۔ کرونا وباء اور سیلاب کی وجہ سے اس کی تعمیر میں تاخیر ہو رہی ہے۔ آئندہ برس عید کی نماز یہاں ادا کی جائے گی۔