مہنگائی کے خلاف مشرقی چمپارن میں کانگریس کا احتجاج

بہار کے مشرقی چمپارن ضلع کے ڈھاکہ میں کانگریس بلاک صدر امتیاز اختر کی قیادت میں مہنگائی کے خلاف ریلی نکالی گئی۔

ملک میں بڑھ رہی بے روزگاری اور ڈیزل پٹرول کی قیمتوں میں ہورہے اضافے کے خلاف ملک بھر میں احتجاج ہو رہا ہے۔ اسی سمت میں مشرقی چمپارن ضلع کے ڈھاکہ میں کانگریس بلاک صدر محمد امتیاز اختر کی قیادت میں ریلی نکالی گئی۔

اس موقع پر امتیاز اختر نے کہا کہ ملک میں مہنگائی اپنے شباب پر ہے. روز ڈیزل پٹرول کی قیمتوں میں بے تحاشہ اضافہ ہو رہا ہے۔ موجودہ سرکار نے ملک کے اقتدار پر قابض ہونے کے لیے مہنگائی کم کرنے، نوجوانوں کو روزگار دینے، ملک میں پرامن فضا ہموار کرنے کا وعدہ کیا تھا. ان سب میں سرکار پوری طرح ناکام ہوگئی ہے۔

نوجوان آج پوری طرح بے روزگار ہیں. وہ نوکری کے لئے در در بھٹک رہے ہیں۔ جب کہ مہنگائی اپنے عروج پر ہیں۔

یہ ریلی ڈھاکہ مولانا آزاد چوک سے نکل کر گاندھی چوک پہنچی۔ اس موقع پر محمد افروز، ماجد اختر، مصباح الحق، عبدالحمید انصاری، کیلاش پرساد اور سنیل کمار سمیت دیگر موجود تھے۔