Congress Leader Awdhesh Singh عدالت عظمیٰ سے راہل گاندھی کے خلاف پٹنہ میں درج کیس واپس لینے کی اپیل

پٹنہ میں کانگریس کے سابق صدر راہل گاندھی کے خلاف اگلے ہفتے 'مودی سرنیم' معاملے کی سنوائی ہے تاہم اس درمیان کانگریس کے سابق ریاستی وزیر اودھیش سنگھ نے کہا ہے کہ ایک ہی معاملے کی دو الگ جگہوں پر سنوائی قانونی طور پر صحیح نہیں ہے. عدالت عظمیٰ کو خود نوٹس لینی چاہئے۔

گیا: ریاست بہار کے ضلع گیا میں بھی کانگریس کے رہنما وکارکنان متحرک ہو چکے ہیں.ہر دن احتجاج ومظاہرہ ہو رہا ہے۔ آج کانگریس کے ضلع دفتر میں بہار کے سابق وزیر اودھیش سنگھ نے مرکزی حکومت کو شدید تنقید کا نشانہ بناتے ہوئے کہاکہ جس پارٹی کے سرکردہ لیڈران اور بانیوں نے اپنے خون پسینہ سے ملک کو سنوارا ہے۔ آج اس پارٹی اور اس کے رہنماؤں پر حملہ کیا جارہا ہے۔ کانگریس نے ملک کی آزادی کے لئے قربانیاں پیش کی ہیں لیکن آج اس قربانیوں کو رائیگاں کرنے کی کوشش کی جا رہی ہے۔

اودھیش سنگھ نے سابق صدر کانگریس راہل گاندھی کی رکنیت ختم کرنے کے معاملے کوبی جے پی کی ایک سازش قرار دیتے ہوئے کہا کہ جس کے والد اور دادی نے ملک کی خاطر اپنی جان قربان کی۔ آج اس پر انگریزی حکومت کی تملق میں دن رات گزارنے والوں کے نظریات کے حامل افراد حملہ کررہے ہیں۔ یہ افسوسناک ہے۔

انہوں نے راہل گاندھی پر بہار کی عدالت میں اسی معاملے کی سنوائی پر کہاکہ ایک ہی معاملے کو کئی جگہوں پر سنا جائے گا سپریم کورٹ اس خود نوٹس لینی چاہئے پہلے بھی کئی مثالیں موجود ہیں جو ایک معاملے کو ملک کےمختلف جگہوں سمیٹ کر ایک جگہ کردیے گئے تھے۔ ایک ہی معاملے کی سنوائی پر ختم کردیا گیا تھا۔ راہل گاندھی پر کوئی معاملہ نہیں ہے۔ یہ صرف سیاسی ہتھکنڈے اپنائے جارہے ہیں۔ مجرمانہ ریکارڈ والے افراد بی جے پی میں گھوم رہے ہیں۔ اپوزیشن جماعتوں کے اچھی شبیہ والے رہنماوں کو ملزم ٹھہرایا جارہا ہے۔