بہار میں کانگریس نے وزیر اعلی کا پتلا جلایا

ریاست بہار کے ضلع گیا کے ٹاور چوک میں کانگریس کے کارکنوں نے وزیر اعلی نتیش کمار اور وزیر صحت منگل پانڈے کا پتلا نذر آتش کیا۔

بہار کے مگدھ کمیشنری اور مظفرپور میں اب تک لو اور دماغی بخار سے سیکڑوں افراد ہلاک چکے ہیں۔
اس موقع پر کانگریسی رہنماؤں نے کہا کہ ضلع میں گزشتہ 15 دنوں میں لو اور دماغی بخار سے تین سو بچے، نوجوان اور بزرگ ہلاک ہوئے ہیں۔لیکن وزیر اعلی اور وزیر صحت نے کوئی خاص اقدامات اٹھاتے نظر نہیں آئے ہیں۔
مگدھ کمیشنری کے کانگریس ترجمان وجئے کمار نے کہا کہ وزیر اعلی نتیش کمار مظفر پور پہنچے تو عوام نے نتیش واپس جاؤ کے نعرے بلند کیے۔
انہوں نے مزید کہا کہ ریاستی حکومت بچوں کی موت پر کتنی سنجیدہ ہے اسکا اندازہ منگل پانڈے کے میچ کا اسکور پوچھنے سے سمجھا جاسکتا ہے۔