مگدھ کمشنری میں لو سے 113 افراد ہلاک

وزیراعلی نتیش کمار نے مہلوکین کو جلد از جلد معاوضے کی رقم کی ادائیگی کی ہدایت دی۔

مگدھ کمشنری کے کمشنر پنکج کمار پال نے گیا، نوادہ اور اورنگ آباد میں لو سے ایک سو تیرہ افراد کے ہلاک ہونے کی تصدیق کی ہے جبکہ گیا میں اب تک لو سے 48 افراد ہلاک ہوئے ہیں۔

پنکج کمار پال نے بتایا کہ وزیراعلی نے انتظامیہ کو ہدایت دی کہ لو سے ہلاک ہونے والوں کو معاوضے کی رقم جلد از جلد ادا کی جائے۔

ریاستی حکومت نے لو سے ہلاک ہونے والوں کو چار لاکھ معاوضہ دینے کا اعلان کیا ہے۔

واضح رہے کہ بہار کے وزیراعلی نتیش کمار آج سخت سکیورٹی کے درمیان گیا کے مگر میڈیکل کالج پہنچے۔

مریضوں کا حال چال جاننے کے بعد وزیراعلی نے ہسپتال اور ضلع انتظامیہ کے عہدیداروں کے ساتھ میٹنگ کی لیکن میڈیا کے سوالوں کا جواب دیے بغیر ہی چلے گئے۔