'سیمانچل کے ووٹرز کا شکریہ'

لوک جن شکتی پارٹی کے رہنما اور تجربہ کار سیاسی شخصیت رام ولاس پاسوان کے فرزند چراغ پاسوان نے عام انتخابات میں این ڈی اے کی شاندار جیت کے بعد نریندر مودی کی تعریفوں کے پل باندھے اور عوام کا شکریہ ادا کیا۔

انہوں نے کہا کہ حزب اختلاف جماعت کے لوگ افواہ پھیلاتے ہیں کہ مسلم ووٹرز این ڈی اے کو ووٹ نہیں دیتے لیکن سیمانچل پارلیمانی حلقے میں این ڈی اے کو برتری ملی ہے اور یہ مسلمانوں کے ووٹ کے بغیر نہیں ہو سکتا۔

چراغ پاسوان نے این ڈی اے کی جیت پر خوشی کا اظہار کرتے ہوئے کہا کہ گزشتہ انتخابات میں مودی لہر تھی لیکن اس مرتبہ سونامی ہے۔

چراغ پاسوان نے کہا کہ اس بار رائے دہندگان نے مذہب، ذات پات سے اوپر اٹھ کر مودی جی کے حق میں ووٹ دیا ہے۔

انہوں نے کہا کہ مودی جی کے کاموں کے آگے کوئی بھی ٹک نہیں سکتا اور اس بات کا ثبوت یہ ہے کہ راہل گاندھی امیٹھی کی اپنی سیٹ نہیں بچا سکے۔