ریاست بہار میں سلک سٹی کے نام سے مشہور ضلع بھاگلپور میں واقع کلاکیندر میں مارچ کے پہلے ہفتہ کو پیس پریدھی کی جانب سے خواتین ہفتہ کے نام سے منایا جا رہا ہے اور اس کے تحت مختلف پروگرام کا اہتمام کیا جا رہا ہے۔
بچوں کو آرٹ بنانے کی تربیت دی گئی اسی کڑی کے طور پر آرٹ ورکشاپ کا انعقاد کیا گیا۔ جس میں بچوں کو آرٹ بنانے کی تربیت دی گئی۔ اس ورکشاپ میں بچوں اور بچیوں نے خواتین کے جذبات سے متعلق دلکش اور خوبصورت آرٹ اور پینٹنگ بنا کر اپنے جذبات کی ترجمانی کرنے کی کوشش کی اور معاشرے میں عورت کے تئیں پیغام دینے کی کوشش کی۔
بچوں کو آرٹ بنانے کی تربیت دی گئی اس ورکشاپ میں درجنوں بچوں نے شرکت کی اور آرٹ کی باریکی جاننے کی کوشش کی۔
ان لوگوں کا کہنا تھا کہ معاشرے نے کافی ترقی کرلی ہے۔ عورتوں نے سماج کے ہر شعبہ میں نمایاں کامیابی حاصل کی ہے۔ اس کے باجود عورتوں کو مردوں کے مساوی حقوق دینے کے لیے ہمارا معاشرہ ذہنی طور پر تیار نہیں ہے۔ لہذا معاشرے کے لوگوں کے ذہنوں میں جب تک تبدیلی نہیں آئے گی اس وقت تک عورتوں کے ساتھ اسی طرح نا انصافی اور امتیاز برتا جاتا رہےگا۔
بچوں کو آرٹ بنانے کی تربیت دی گئی اس آرٹ ورکشاپ میں منی شری، دیویا، سارتھک بھرت، گلشن، وشنو کومل، مسکان، سنتوش، امن، ابھیشیک، لاڈلی راز، موہن کمار، اسنیہا، پشپانجلی رائے، مینا دیوی، بیوٹی، جیوتی، آرزو، اجول وغیرہ نے شرکت کی اور خوبصورت ترین آرٹ بنائے۔
ضلع بھاگلپور کا کلا کیندر ایسا مقام ہے جہاں سے فن کار پیدا کرنے کی کوشش کی جاتی ہے تاکہ اپنے فن سے وہ ایک مہذب سماج کی تشکیل میں اپنا کردار ادا کر سکیں۔
