حاجی پور: عوامی عقیدت کا تہوار چھٹھ کے موقع پر ملک کے مختلف شہروں سے بہار آنے والے مسافروں کی سہولت کے پیش نظر ریلوے نے 124 پوجا اسپیشل ٹرینیں چلانے کا فیصلہ کیا ہے۔
ایسٹ سنٹرل ریلوے کے چیف پبلک ریلیشن آفیسر وریندر کمار نے منگل کو یہاں بتایا کہ چھٹھ کے دوران ملک کے مختلف شہروں سے بہار آنے اور چھٹھ کے بعد واپس جانے والے مسافروں کی سہولت کو مدنظر رکھتے ہوئے 124 پوجا اسپیشل ٹرینیں چلائی جارہی ہیں۔ انہوں نے بتایا کہ یہ پوجا اسپیشل ٹرینیں بدھ سے چلنا شروع ہوں گی۔