بہار چیمبر آف کامرس اینڈ انڈسٹریز کا حکومت سے مطالبہ

بہار مادی پروکیورمنٹ ایکٹ پالیسی کے تحت مقامی صنعتوں کو ترجیح دی جانی چاہئے، جس سے نہ صرف کاروباری افراد کو فائدہ ہوگا بلکہ ریاست کی معاشی ترقی کو مزید فروغ ملے گا

ریاست میں تعمیر کیے جانے والے فلائی اوور، سڑکیں، فٹ اوور برج اور ریل پروجیکٹ کے منصوبوں میں ریاست کے صنعت کاروں کو خریداری ایکٹ کی پالیسی کے تحت سامان کی فراہمی میں ترجیح دینے کے مطالبے کو لے کر بہار چیمبر آف کامرس اینڈ انڈسٹریز نے بہار حکومت کے نائب وزیر اعلی، کامرس ٹیکس وزیر، شہری ترقیات اور رہائشی وزیر، چیف سکریٹری کو ایک خط لکھا ہے۔

چیمبر آف کامرس کے صدر پی کے اگروال نے کہا کہ 'بہار میں بہت سے منصوبے چل رہے ہیں، جس میں کام تیزی سے جاری ہے۔ یہ بڑی خوشی کی بات ہے۔ ان تمام منصوبوں میں ریاست کے صنعت کاروں کو سامان کی فراہمی کرنے کا موقع دیا جائے۔'

انہوں نے کہا کہ 'ایسی صورتحال میں بہار مادی پروکیورمنٹ ایکٹ پالیسی کے تحت مقامی صنعتوں کو ترجیح دی جانی چاہئے، جس سے نہ صرف کاروباری افراد کو فائدہ ہوگا بلکہ ریاست کی معاشی ترقی کو مزید فروغ ملے گا۔'

اس کے ساتھ ہی پی کے اگروال نے کہا کہ 'حکومت کے اس اقدام سے ریاست میں واقع صنعتیں ترقی کرسکیں گی۔ ہم نے ان مطالبات کو لے کر حکومت کو ایک خط لکھا ہے اور ان سے مطالبہ کیا ہے کہ جلد سے جلد اس مسئلے پر توجہ دی جائے۔'