مرکز بہار کی ترقی کے لئے پرعزم ہے: گڈکری

مرکزی وزیر نتن گڈکری نے بہار کی مجموعی ترقی کے لئے مرکزی حکومت کے عزم کا اظہار کرتے ہوئے ریاستی حکومت سے آبی راستوں کے استعمال کو فروغ دینے کا مطالبہ کیا اور کہا کہ آمدورفت کے اس انتظام سے مال کی ڈھلائی سستی پڑتی ہے۔

دہلی: سڑک، ٹرانسپورٹ اور شاہراہوں کے مرکزی وزیر نتن گڈکری نے بہار کی مجموعی ترقی کے لئے مرکزی حکومت کے عزم کا اظہار کرتے ہوئے ریاستی حکومت سے آبی راستوں کے استعمال کو فروغ دینے کا مطالبہ کیا اور کہا کہ آمدورفت کے اس انتظام سے مال کی ڈھلائی سستی پڑتی ہے۔

گڈکری نے جمعہ کے روز شمالی اور جنوبی بہار کو جوڑنے والے ملک کے پہلے اسٹیٹ آف آرٹ پول کا افتتاح کرتے ہوئے کہا کہ اس پل سے بہار میں بنیادی ڈھانچے کی ترقی کورفتار ملے گا اور ریاست کی تیزی سے سماجی اور اقتصادی ترقی ہوگی۔

بہار کی مجموعی ترقی کا عہد کرتے ہوئے انہوں نے کہا کہ 'وزیر اعلی نتیش کمار کی سربراہی میں مرکزی حکومت ریاست کی ترقی کے لئے پرعزم ہے۔ انہوں نے کہا کہ 'وہ جس پل کا افتتاح کررہے ہیں اس سے شمالی اور جنوبی بہار کے اضلاع کی معاشی اور سماجی ترقی میں تیزی آئے گی اور یہ پل 'بہار کی لائف لائن' بن کر ریاست کو ایک نئی اونچائی فراہم کرے گا۔