بہار: تاجر کے گھر میں نقدی سمیت زیورات کی چوری

ریاست بہار کے نالندہ علاقے میں ایک تاجر کے گھر سے ساڑھے پانچ لاکھ روپے کے املاک کی چوری ہوئی ہے۔

ریاست بہار میں نالندہ ضلع کے لہیری تھانہ علاقہ میں کپڑوں کی تجارت سے وابستہ ایک شخص کے گھر سے چوروں نے ساڑھے پانچ لاکھ روپے کے املاک کی چوری کر لی۔

پولیس ذرائع نے بتایاکہ اتوار کی دیر رات چور چھت سے تاجر ریشو کمار کے گھر میں داخل ہو گئے۔ اس کے بعد چوروں نے گھر میں ایک کمرے کا تالا توڑ کر پانچ لاکھ روپے قیمت کے زیورات اور پچاس ہزار روپے نقد کی چوری کر لی۔

اس سلسلے میں پولیس نے معاملہ درج کرکے چوروں کی تلاش شروع کر دی ہے۔