ریاست بہار کے ضلع ارریہ پہنچنے کے بعد ڈاکٹر شیوا جی کمار سب سے پہلے ضلع کلکٹر پرشانت کمار اور سول سرجن ڈاکٹر سریش پرساد شرما سے ملاقات کی اور ضلع میں معذوروں کے لیے چل رہے اسکیموں کا جائزہ لیا۔
ایڈیشنل کمشنر ڈاکٹر شیوا جی نے ضلع کلکٹریٹ احاطہ میں ڈی آر ڈی سبھا بھون میں صحافیوں سے گفتگو کی اور ریاستی حکومت کے ذریعہ معذوروں کے لیے چل رہے اسکیموں میں بیداری لانے کی اپیل کی۔
ایڈیشنل کمشنر نے کہا کہ 'سیمانچل نہایت ہی پسماندہ علاقہ ہے، یہ علاقہ ہر طرح کی بنیادی سہولیات سے محروم ہے، ایسے میں حکومت کی خاص نظر ان علاقوں میں رہنے والوں پر ہے تاکہ انہیں بھی ترقیاتی اسکیمزسے مستفید کیا جائے، یہاں معذوری کی شرح زیادہ ہے اس لیے یہاں زیادہ خصوصی توجہ دینے کی ضرورت ہے۔
ڈاکٹر شیوا جی کمار نے کہا کہ 'معذوروں کے لیے حکومت جو مختلف مواقع پر اسکیمز چلاتی ہے لوگوں میں معلومات کی کمی کی وجہ سے وہ اس کا فائدہ نہیں اٹھا پاتے ہیں اس لیے ضروری ہے کہ لوگوں میں بیداری لائی جائے۔
پریس کانفرنس میں مختلف محکمہ کے اعلیٰ افسران جن میں سبودھ کمار، انیل کمار ٹھاکر، بالیشور پرساد، دلیپ سرکار وغیرہ موجود تھے۔