پٹنہ:بہار میں کل ہند مجلس اتحادالمسلمین کے چار ارکان اسمبلی آج آر جے ڈی میں شامل ہوگئے۔ واضح رہے کہ بہار میں گذشتہ اسمبلی انتخابات میں مجلس کو پانچ نشستیں حاصل ہوئی تھیں، تاہم اطلاعات کے مطابق آج چار ارکان نے مجلس کا ساتھ چھوڑ کر آر جے ڈی میں شامل ہوگئے ہیں۔ Four AIMIM MLAs Join RJD in Bihar
واضح رہے کہ بہار اسمبلی انتخابات 2022 میں مجلس نے کل 22 حلقوں سے اپنے امیدوار کھڑا کیے تھے، جن میں سے پانچ نشتوں پر کامیابی حاصل ہوئی تھی۔ اسے مجلس کی بڑی کامیابی تصور کیا جارہا تھا، لیکن آج بہار کے پانچ میں سے چار ارکان اسمبلی آر جے ڈی میں شامل ہوگئے۔ ارکان اسمبلی شاہنواز عالم، اظہار اسفی، رکن الدین اور انظار نعیمی نے راجد کا دامن تھام لیا ہے۔ بہار اسمبلی میں حزب اختلاف کے لیڈر تیجسوی یادو نے چاروں رکن اسمبلی کو بہار اسمبلی کے صدر کے پاس لیکر پہنچے ہیں۔
نومبر 2020 میں انتخابات ہوئے تھے۔ تقریباً دو برس بعد مجلس کے 4 ارکان اسمبلی نے آر جے ڈی میں شامل ہوگئے جب کہ گذشتہ ایک سال سے اس طرح کی قیاس آرائیاں جاری تھیں۔
