سشانت خودکشی معاملہ: ممبئی پہنچے بہار پولیس کے افسر کورنٹائن سے آزاد

ونئے تیواری نے کہا کہ 'بی ایم سی نے مجھے ٹیکسٹ میسیج کے ذریعہ بتایا کہ اب میں باہر جا سکتا ہوں لہذا میں آج پٹنہ واپس آؤں گا۔'

سشانت خودکشی معاملے کی تفتیش کرنے ممبئی پہنچے بہار پولیس کے افسر کو کورنٹائن سے آزاد کر دیا گیا ہے۔ اے ڈی جی ہیڈ کوارٹر کی جانب سے دوبارہ خط لکھنے کے بعد بی ایم سی نے آئی پی ایس آفیسر ونئے تیواری کو کورنٹائن سے آزاد کر دیا۔

دراصل ونئے تیواری کو پولیس ہیڈ کوارٹر کی جانب سے تحقیقات کے لئے ممبئی بھیجا گیا تھا لیکن پٹنہ سینٹرل کے ایس پی ونئے تیواری کو ممبئی پہنچنے کے بعد کورنٹائن کر دیا گیا۔

جمعرات کو بہار پولیس ہیڈ کوارٹر نے بی ایم سی کو سٹی ایس پی ونئے تیواری کی رہائی کے لئے دوبارہ ایک خط لکھا۔ اس کے بعد بی ایم سی نے سٹی ایس پی کی کورنٹائن کی مدت کو ختم کر دیا۔ ونئے تیواری اب بہار واپس آئیں گے۔

ونئے تیواری نے کہا کہ 'بی ایم سی نے مجھے ٹیکسٹ میسیج کے ذریعہ بتایا کہ اب میں باہر جاسکتا ہوں لہذا میں آج پٹنہ واپس آؤں گا۔'

واضح رہے کہ 'بدھ کو سپریم کورٹ کی سختی کے بعد بھی بی ایم سی نے سٹی ایس پی ونئے تیواری کو نہیں چھوڑا تھا۔ تاہم پولیس ہیڈ کوارٹر کی جانب سے دوبارہ خط لکھنے کے بعد وہ قرنطین سے آزاد کئے گئے۔'