بی جے پی کے باغی رہنما کو منا لیا گیا

ریاست بہار کے ضلع ارریہ میں بی جے پی کے سینیئر رہنما چندر شیکھر ببن نے پارٹی کے امیدوار پردیپ کمار کے خلاف پرچہ نامزدگی داخل کرنے کا اعلان کیا تھا۔

مگر پارٹی اعلیٰ کمان کی مداخلت کے بعد چندر شیکھر نے اپنا فیصلہ بدل دیا ہے اور اب انہوں نے لوک سبھا انتخابات میں پرچہ داخل نہیں کرنے کا فیصلہ کیا ہے۔

انہوں نے کہا کہ گھر میں بھی ایک بھائی کو دوسرے بھائی سے کسی معاملے پر اختلاف ہو جاتا ہے لیکن گھر کے بڑے بزرگوں کے مداخلت کرنے پر وہ معاملہ ختم ہو جاتا ہے لہذا جو مسئلہ تھا، وہ حل ہو گیا ہے۔

انہوں نے کہا کہ میں این ڈی اے او بی جے پی کے امیدوار پردیپ کمار کو کامیاب بنانے کے لیے ہر ممکن کوشش کروں گا۔

واضح رہے کہ بی جے پی کی جانب سے پردیپ کمار کو پہلے بھی دو بار ٹکٹ دیا گیا تھا مگر وہ جیت نہیں سکے۔