نتیش کی ہدایت کی خلاف ورزی

بہار کے وزیراعلیٰ نتیش کمار کے راجستھان کے کوٹا میں پھنسے طلباء کو لائے جانے کے اعتراض کے باوجود نوادہ ضلع میں ہسوا سے بھارتیہ جنتا پارٹی (بی جے پی ) کے رکن اسمبلی انیل سنگھ انتظامیہ کی اجازت سے کوٹا سے اپنی بیٹی کو لیکر لوٹ آئے ہیں۔

سنگھ نے آج یہاں بتایا کہ وہ نالندہ ضلع کے انتظامیہ سے اجازت لیکر کوٹا گئے تھے۔ اس کے بعد لاک ڈاﺅن کی وجہ سے کوٹا میں پھنسی اپنی بیٹی کو لیکر سیدھا پٹنہ لوٹ آئے۔

اس دوران انہوں نے کورونا انفیکشن سے بچاﺅ کی سبھی ہدایات پر عمل آوری کی ہے۔ رکن اسمبلی نے نوادہ صدر کے سب ڈویژنل افسر سے اس سے متعلق میں اجازت لی تھی۔

واضح رہے کہ وزیراعلیٰ نتیش کمار نے راجستھان کے کوٹا میں پھنسے طلباء کو واپس لانے کیلئے بس بھیجنے کے اتر پردیش حکومت کے فیصلے کے بعد بہار میں بھی اس کے مطالبے پر سنیچر کو کہا تھاکہ 'اب کوئی کہے کہ کوٹا میں اور ملک کے کونے۔ کونے میں پھنسے لوگوں کو بلوا لیا جائے تو اگر ان کی مطالبے پر سبھی ریاستیں انہیں بلانے لگے تو لاک ڈاﺅن کا مذاق اڑ جائے گا۔ ہم پوری طرح سے پرعزم ہیں اور سوشل ڈسٹنسنگ ہی ہم سب کو بچا سکتی ہے۔