ذرائع کے مطابق فائرنگ کی ویڈیو وائرل ہونے کے بعد پولیس نے تفتیش شروع کی تو پتہ چلا کہ وائرل ویڈیو چین پور تھانہ علاقہ کے کرجی گاؤں کے رتیش اپادھیائے اور نیلمانی اپادھیائے عرف چنکی اپادھیائے کا ہے۔
جس کے بعد پولیس نے فوری کارروائی کرتے ہوئے دونوں کو گرفتار کرلیا اور دوران تفتیش ان دونوں نے بتایا کہ اسلحہ اس کے پھوپھی زاد بھائی منی شنکر پانڈے کا ہے ، جو موہنیاں بلاک کے تحت واقع پیپریہ گاؤں سے تعلق رکھتا ہے اور ٹول پلازہ پر کام کرتا ہے۔
اسی وقت جب پولیس اسلحہ پکڑنے گئی تھی، جب منی شنکر پانڈے کی سالگرہ کی پارٹی کےوقت کی موبائل لوکیشن چیک کی تو پتہ چلا کہ پارٹی کے وقت منی شنکر اپنے ہتھیار کے ساتھ ٹول پلازہ میں ڈیوٹی پر تعینات تھا۔
جب پولیس نے دوبارہ کیس کی تفتیش شروع کی تو پتہ چلا کہ ایک ہتھیار چاند بلاک کے مہندر سنگھ اور دوسرا چین پور کے کنور سنگھ کا ہے۔ جس کے بعد پولیس نے چھاپہ مارا اور دونوں اسلحہ ضبط کرلیا اور دونوں ملزمان کوگرفتار کرلیا۔
ایس پی دلنواز احمد نے بتایا کہ وائرل ویڈیو کی بنیاد پر دونوں ہتھیاروں کو سب ڈویژنل پولیس آفیسر اجے پرساد کی سربراہی میں برآمد کیا گیا ہے۔ معاملہ چین پور تھانہ علاقہ سے متعلق ہے۔ ویڈیو میں سالگرہ کی تقریب منانے والے دو افراد کو گرفتار کیا گیا ہے۔ فائرنگ اور لاک ڈاؤن کی خلاف ورزی کے تحت ایف آئی آر درج کرکے قانونی کارروائی کی جارہی ہے۔