کیمور میں انٹرنیٹ خدمات بحال

ریاست بہار کے کیمور ضلع کے موہنیاں شہر میں اجتماعی ابروریزی اور اس کا ویڈیو وائرل ہونے کا واقعہ پیش آنے کے بعد علاقہ میں انٹرنیٹ خدمات کو بند کردیا گیا تھا۔

اجتماعی آبروریزی کا ویڈیو وائرل ہونے کے بعد علاقہ میں کشیدگی پھیل گئی جبکہ حالات کو مزید بگڑنے سے روکنے کےلیے انتظامیہ نے علاقہ میں انٹرنیٹ سرویس کو بند کردیا تھا۔

فی الحال شہر مونیاں میں حالات پر امن ہیں جس کے بعد انٹرنیٹ پر عائد پابندی کو ہٹادیا گیا اور دوپہر سے دکانیں کھلنا شروع ہوگئی ہیں۔

ویڈیو وائرل ہونے کے بعد کچھ شرپسندوں کی جانب سے گاڑیوں، دوکانات اور مکانات کو نذر آتش کیا گیا تھا۔

بعدازاں پولیس کے اعلیٰ عہدیداروں نے علاقہ کا دورہ کرتے ہوئے حالات کو قابو میں کرلیا۔