Firing in Sitamarhi SSB Camp باہمی تنازع میں ایس ایس بی جوان نے ساتھی کو گولی ماری

بہار کے سیتامڑھی میں ایس ایس بی کیمپ میں فائرنگ کا واقعہ سامنے آیا ہے جس میں ایک جوان نے اپنے ساتھی جوان کو گولی مار دی۔ زخمی جوان کو علاج کے لیے اسپتال میں داخل کرایا گیا ہے جہاں اس کی حالت تشویشناک بتائی جاتی ہے۔

سیتامڑھی: بہار کے سیتامڑھی میں واقع ایس ایس بی کیمپ میں ہوئی فائرنگ کا واقعہ پیش آیا ہے۔ ایک جوان نے دوسرے ساتھی کو گولی مار دی۔ زخمی جوان کو علاج کے لیے اسپتال میں داخل کرایا گیا ہے۔ یہ آج یعنی پیر کی صبح کا واقعہ ہے، جب ہند-نیپال سرحد پر تعینات ایس ایس بی جوان کی بائیں ران میں گولی لگنے کی خبر منظر عام پر آئی۔ زخمی جوان کا کا علاج جاری ہے۔

مبینہ طور پر شراب کیلئے تنازع:

پیر کی صبح ایس ایس بی کے 51 بٹالین کے سپاہی دھرمیندر جولوجو کو ایس ایس بی کے سپاہیوں کے ساتھ باہمی جھگڑے میں ران میں گولی لگی۔ حالانکہ ایس ایس بی اور ضلع انتظامیہ کے اہلکار اس معاملے پر کچھ بھی بولنے سے گریز کر رہے ہیں، لیکن بتایا جا رہا ہے کہ شراب پینے کے لیے جھگڑا ہوا ہے جس میں ایک جوان نے دوسرے جوان کو گولی مار دی۔ وہیں زخمی جوان کا سیتامڑھی صدر اسپتال میں علاج چل رہا ہے اور اس کی حالت خطرے سے باہر بتائی جارہی ہے۔

تھانہ سنگھ مینا نے دھرمیندر پر گولی چلائی:

ذرائع کی مانیں تو دھرمیندر کی پیر کی صبح راجستھان کے جگدیش مینا کے 30 سالہ بیٹے تھانہ سنگھ مینا کے ساتھ نونک جھونک ہوئی جس کے بعد تھانہ سنگھ مینا نے ایس ایس بی جوان دھرمیندر پر گولی چلا دی۔ گولی دھرمیندر کی ران میں لگی اور وہ زخمی ہوگئے۔ فائرنگ کا یہ واقعہ ہند-نیپال سرحد نرکٹیا بی او پی پر پیش آیا ہے۔ ایس ایس بی کے کمانڈنٹ تاحال اس معاملے پر کچھ کہنے سے گریز کررہے ہیں۔ وہیں ضلع پولیس بھی اس معاملے میں کچھ کہنے کو تیار نہیں ہے۔