فونی طوفان سے بہار جزوی طور پر متاثر

فونی طوفان کی وجہ سے بہار کی دس ٹرین معطل۔

محکمہ موسمیات بہار کے مطابق فونی طوفان سے بہار محفوظ ہے، البتہ اس کے کچھ اضلاع جزوی طور پر متاثر ہوئے ہیں۔

محکمہ موسمیات کی اطلاع کے پیش نظر پٹنہ کی دو پروازیں اور دس ٹرین کو معطل کر دیا گیا ہے۔ ابھی بہار میں 50 کلو میٹر فی گھنٹے کی رفتار سے ہوائیں چل رہی ہیں۔

بہار کے جو اضلاع متاثر ہیں، ان میں، مظفر پور، سیتامڑھی، اورنگ آباد، گیا، روہتاس، کیمور، نالندہ جہان آباد، پٹنہ، بیگوسرائے، جموئی، بھاگلپور، پورنیہ، کٹیہار اور مظفرپور وغیرہ شامل ہیں۔

محکمہ موسمیات کے ڈائریکٹر آنند شنکر نے کہاکہ فونی طوفان کا اثر جزوی طور پر بہار میں ہوگا ان کے مطابق اس طوفان کا ٹریک بہار کی طرف نہیں ہے۔

آنند شنکر نے کہا بھاگل پور میں تیز بارش ہوسکتی ہے، درجہ حرارت کمی ہوگی۔ البتہ کسی بڑے نقصان کا خطرہ بہار میں نہیں ہے۔آئندہ 4-5 دنوں تک گرمی سے لوگوں کو راحت ملے گی۔

پٹنہ اور گیا میں آج درجہ حرارت میں کمی آئی ہے۔البتہ تیز ہوائیں چل رہی ہیں، اور جزوی طور پر بادل چھائے ہوئے ہیں۔