ٹرک پر لدی 305 کارٹن انگریزی شراب برآمد

ریاست بہار میں بیگو سرائے ضلع کے مفصل تھانہ علاقہ کے پس پورا گاﺅں کے نزدیک سے پولیس نے آج ٹرک پر لدی 305 کارٹن انگریزی شراب برآمد کی ہے ۔

پولیس ذرائع نے آج یہاں بتایاکہ اطلاع ملی تھی کہ اسمگلر شراب کی کھیپ لیکر آرہے ہیں ۔ اسی بنیاد پر پس پورا گاﺅںکے نزدیک گھیرا بندی کی گئی ۔ پولیس کو دیکھتے ہی ایک ٹرک پر سوار لوگ گاڑی چھوڑ کر فرار ہوگئے ۔

ٹرک کی تلاشی کے دوران 305 کارٹن انگریزی شراب برآمد کی گئی ہے ۔

ذرائع نے بتایاکہ برآمد شراب کی قیمت قریب 15 لاکھ روپے ہے ۔ معاملے کی جانچ کی جارہی ہے ۔