سوشل میڈیا پر متنازع پوسٹ کرنے والا نوجوان گرفتار

ریاست بہار کے ضلع سپول میں پولیس نے سوشل میڈیا پر قابل اعتراض پوسٹ اپلوڈ کرنے والے نوجوان کو گرفتار کرلیا ہے۔

پولیس سپرنٹنڈنٹ مرتنجے چودھری نے بتایا کہ 'انہیں غیر سماجی عناصر کے ذریعہ فیس بک سمیت دیگر سوشل میڈیا سائٹز پر مذہبی جذبات بھڑکانے والے پوسٹ اپلوڈ کیے جانے کی شکایت ملی تھی۔ شکایت کی تصدیق کرائے جانے پر اسے درست پایا گیا ہے۔'

مسٹر چودھری نے بتایاکہ معاملے کی حساسیت کو دیکھتے ہوئے پولیس نے فوراً مقدمہ درج کر کے معاملے کی تفتیش شروع کر دی۔

انہوں نے بتایاکہ تفتیش کے دوران متنازع پوسٹ کرنے والے شخص کی شناخت ہوگئی۔

پولیس نے اس معاملے میں فوری کارروائی کرتے ہوئے ابھیشیک کمار عرف ببلو کو گرفتار کرلیا ہے۔

انہوں نے بتایاکہ گرفتار شدہ شخص ضلع سپول کے ندی تھانہ علاقہ کے گھوگدریا کا رہنے والا ہے ۔

پولیس سپرنٹنڈنٹ نے مزید کہا کہ گرفتار شدہ کو حراست میں لیا گیا ہے۔

انہوں نے کہا کہ سوشل میڈیا پر ایسے قابل اعتراض پوسٹ کرنے والے افراد کے خلاف سخت سے سخت کاروائی کی جائے گی ۔