ریاست بہار کے دربھنگہ ضلع کے مختلف علاقوں کے تقریبان تین سو طالب علم جو مہاراشٹر کے ناندوربار اکل کنواں اور دوسرے مدارس میں پڑھائی کرتے ہیں وہ اسپیشل ٹرین سے دو دنوں کا سفر طے کرکے بروز جمعرات کو تقریبان 5 بجے شام میں دربھنگہ ریلوے اسٹیشن پر پہنچے۔
مہاراشٹرا سے تین سو طالب علم اسپیشل ٹرین سے دربھنگہ پہنچے جہاں ضلع انتظامیہ نے ان سب کا خیر مقدم کیا اور ناشتہ پانی کا پیکٹ دیا اور سینیٹائز بھی کیا جا رہا تھا۔ ضلع انفارمیشن افسر نے بتایا کہ اسپیشل ٹرین سے کل 872 مسافر آئے ہیں جس میں 300 دربھنگہ کے رہنے والے طالب علم ہیں، جو باقی لوگ دوسرے اضلاع کے ہیں انہیں بس کے ذریعے ان کے آبائی ضلع بھیجا جا رہا ہے۔ مدارس کے طالب علم پہنچے ان کے ہاتھوں پر نشان بھی لگایا جا رہا تھا ۔
