جتین رام مانجھی گیا سے عظیم اتحاد کے امیدوار ہوں گے

ریاست بہار کے سابق وزیراعلی جیتن رام مانجھی کی سربراہی والی پارٹی ہندوستانی عوام مورچہ کو حلیف جماعتوں کی جانب سے تین سیٹیں دی گئی ہیں۔

ذرائع کے مطابق بہار میں جیتن رام مانجھی کی قیادت والی پارٹی کو گیا، نوادہ اور اور اورنگ آباد پارلیمانی حلقے کی سیٹیں دی گئی ہیں۔

ہندوستانی عوام مورچہ کے ترجمان وجے یادو سے جب اس حوالے سے پوچھا گیا تو انہوں نے راست طور پر کوئی جواب دینے انکار کیا اور کہا کہ ایک دو دنوں کے اندر اس کا اعلان کر دیا جائے گا۔

لیکن بتایا جا رہا ہے کہ عظیم اتحاد میں شامل جیتن رام مانجھی کی پارٹی کو 3 سیٹیں ملی ہیں۔

ذرائع کے مطابق گیا سے جیتن رام مانجی اور نوادہ سے انجینئر اجے یادو امیدوار ہوں گے، جبکہ اورنگ آباد سے آج ہی پارٹی میں شامل ہوئے جے ڈی یو کے سینئر لیڈر اوپندر پرساد کو ٹکٹ ملنے کی امید ہے۔