Haj Training in Bihar Haj Committee حکومت بہار حج بیداری اور حاجیوں کی بہتر سہولیات کے لئے عہد پابند

ترغیب حج مہم کے تحت پٹنہ کے حج بھون میں بہار کے تمام آئمہ مساجد ،اساتذہ مدارس، دینی تنظیموں اور ملی اداروں کے ذمہ داران اور خادم الحجاج کا ایک اجتماع منعقد ہوا۔اس اجتماع میں بہار کے مختلف اضلاع سے علماء کرام، آئمہ مساجد، سماجی کارکن و دینی اداروں کے ذمہ داران نے شرکت کی اورترغیب حج مہم کی کامیابی کے لئے سبھی شرکاء نے اپنی مکمل معاونت کی یقین دہانی کرائی۔Haj Training in Bihar Haj Committee

پٹنہ :ریاستی حج کمیٹی کے چیئرمین عبد الحق نے کہا کہ جمعہ کے خطاب میں حج کے فضائل و برکات اور استطاعت کے باوجود فریضہ حج کی ادائیگی سے محروم رہ جانے والے افراد کے متعلق احادیث میں پیش وعیدیں اپنی تقاریر اور خطبات کے ذریعہ اجاگر کریں اور زیادہ سے زیادہ صاحب استطاعت کو اس عظیم فریضہ کی ادائیگی کی طرف متوجہ کریں۔Haj Training in Bihar Haj Committee

مہمان خصوصی وزیر اقلیتی فلاح زماں خان نے کہا کہ وزیر اعلیٰ نتیش کمار کی ہمیشہ یہ کوشش رہی ہے کہ بہار کے حاجیوں کو کسی قسم کی دشواری پیش نہ آئے، حاجیوں کے مفاد کے لئے بہار حکومت کا مکمل تعاون شامل رہے گا، ترغیب حج کے لیے بیداری مہم اس وقت کی ضرورت ہے، اس کام کے لئے بھی ہم آپ کے شانہ بشانہ چلنے کو تیار ہیں۔ Haj Training in Bihar Haj Committee

جماعت اسلامی بہار کے امیر مولانا رضوان احمد اصلاحی نے اپنے خطاب میں کہا کہ یہ کام دراصل دینی، ملی اداروں کے ذمہ داران اور علماء کرام اور آئمہ مساجد کا تھا لیکن یہ کام بہار حج کمیٹی کر رہی ہے۔یہ ان کا بہت ہی مستحسن قدم ہے۔

حج کمیٹی کے سابق چیئرمین مولانا انیس الرحمن قاسمی نے کہا کہ ایمان کے بعد چار ارکان ہیں، دو کا تعلق مالیات سے ہے جن میں ایک حج ہے جو جامع العبادات ہے. ریاستی حج کمیٹی کی جانب سے ترغیب حج کا یہ مہم بروقت اور مستحسن اقدام ہے۔ مساجد کے آئمہ کرام اگر صرف پانچ پانچ افراد کو حج کے لئے تیار کرنے کا ذمہ لے لیں تو بہار سے حجاج کرام کی ایک بڑی تعداد ہوگی۔

پروگرام سے مفتی ثناء الہدی قاسمی ، مفتی سعید الرحمان قاسمی،مفتی امجد رضا امجد، ڈاکٹر انیس فیاض، مفتی قمر انیس، حاجی الیاس عرف سونو بابو وغیرہ نے بھی خطاب کیا۔ مولانا عالم قاسمی کی دعاؤں پر ترغیب حج کی مجلس اختتام پذیر ہوئی، نظامت کے فرائض مولانا ایوب نظامی قاسمی نے انجام دیا۔