سابق وزیر پروفیسرعبد الغفور کی طبعیت نازک

حکومت بہار کے سابق وزیر اقلتی امور اور بہار کے مہیشی اسمبلی حلقہ کے ممبر اسمبلی پروفیسر عبد الغفور کی طبیعت کافی علیل ہے۔ وہ ادھر کچھ ماہ سے ایمس دہلی میں داخل تھے کچھ دن پہلے وہ علاج کے بعد پٹنہ واپس ہوئے اسکے بعد انکی طبیعت پھر خراب ہو گئی۔

غفور کو پارس ہسپتال، پٹنہ میں داخل کیا گیا مگر مرض کی شدت بڑھتی گئی تو کل شام ائیر ایمبولنس کے ذریعہ پھر سے دہلی لے جایا گیا جہاں آئی ایل بی ایس، بسنت کنج میں داخل کرایا گیا۔

انکو لیور سیرہاسس کے ساتھ ساتھ جونڈس ہو گیا ہے وہ پہلے سے ذیابطیس میں مبتلا تھے۔ اہل خانہ کے ذریعہ تمام ائمہ کرام، علماء کرام، عامتہ المسلمین سے ان کی مکمل صحت یابی کیلئے خصوصی دعاء کی درخواست کی گئی ہے۔ ائمہ حضرات برائے کرم نماز جمعہ کے ساتھ سبھی نمازوں میں پروفیسر عبد الغفور کی صحت یابی کیلئے خصوصی دعاء کی درخواست کی گئی ہے۔

پروفیسر عبدالغفور بہار میں تعلیمی تحریک چلانے میں پیش رہے ہیں اور ان کا خیال تھا کہ تبلیغی جماعت کے طرز پر تعلیمی تحریک شروع کی جائے اور وہ اس پر کام بھی کررہے تھے۔ مسلمانوں کو اونچا اٹھانے، تعلیمی و معاشی حالت بہتر کرنے میں ہمیشہ فکر مندر ہتے ہیں۔