پٹنہ: حج ہاؤس کی مسجد میں نماز جمعہ ہوگی

ان لاک ون کے پہلے جمعہ کے موقع پر ریاستی حج کمیٹی نے حج ہاؤس میں واقع مسجد میں نماز جمعہ میں حفاظتی نقطہ نظر سے باہر کے لوگوں کو شامل ہونے پر پابندی عائد کر دی ہے.

ریاستی حج ہاوس کی مسجد میں نماز جمعہ تو ہوگی مگر باہر کے لوگ یعنی حج ہاوس کے ملازمین، اقلیتی مالیاتی کارپوریشن کے ملازمین سمیت مولانا مظہر الحق عربی فارسی یونیورسٹی کے ملازمین کے علاوہ دوسری جگہوں کے لوگ اس میں شامل نہیں ہو سکیں گے.

ریاستی حج کمیٹی کے چیف ایگزیکٹو آفیسر محمد راشد حسین نے ای ٹی وی بھارت سے خصوصی ملاقات میں کہا کہ جمعہ کی نماز میں حفاظتی نقطہ نظر کے تحت اقدامات کرتے ہوئے. باہر کے لوگوں کو جماعت میں شامل ہونے کی اجازت نہیں دی جا رہی ہے.انہوں نے کہا کہ لاک ڈاون کے دوران اس مسجد میں پنجگانہ نماز کے علاوہ تراویح اور جمع کی نماز کا احتمام تمام تر حفاظتی انتظامات کے تحت کیا گیا تھا.