بہار کے گیا جی ڈیم کے افتتاح تقریب کے موقع پر ریاست کے نائب وزیر اعلی تیجسوی یادو نے اپنے خطاب میں محکمہ آبی وسائل کے تمام ملازمین کا شکریہ ادا کیا۔ انہوں نے کہا کہ پتر پکش میلہ میں ملک و بیرون ملک سے عقیدت مند آئیں گے اور جب ربڑ ڈیم دیکھیں گے تو ہمارا سینہ چوڑا ہو جائے گا۔Bihar Deputy CM Tejashwi Yadav slam BJP
انہوں نے کہاکہ مہاگٹھ بندھن کی حکومت بن چکی ہے۔ مجھے اہم ذمہ داری دی گئی ہے اور میں یہ ضرور کہوں گا کہ میں اپنی ذمہ داری سے پیچھے نہیں ہٹوں گا۔سب کچھ ٹھیک ہوجائےگا۔تھوڑا انتظار کیجئے۔روزگار اور ملازمتوں کی سمت میں بھی تیزی سے کام ہو رہا ہے۔انہوں نے کہا کہ جو کام کوئی نہیں کر سکا وہ کام وزیر اعلیٰ نتیش کمار کریں گے۔
بہارکے نائب وزیراعلی تیجسوی یادو کی بی جے پی پر تنقید نائب وزیراعلی تیجسوی یادو نے اپنے خطاب کے دوران ربرڈیم کو تاریخی بتایا۔ اس دوران اپنے دس منٹ کے خطاب میں انہوں نے سب سے زیادہ مہاگٹھ بندھن کی حکومت کی تعریف کے ساتھ بی جے پی اور وزیراعظم کو تنقید کا نشانہ بنایا۔
یہ بھی پڑھیں:India's Longest Rubber Dam ملک کے سب سے بڑے ربڑ ڈیم 'گیاجی ڈیم' کا نتیش نے افتتاح کیا
انہوں نے کہاکہ وزیراعلی نتیش کمار نے بہار کو بلندیوں تک لے جانے کی کوشش کریں گے ۔ہم سب ان کے ساتھ ہیں۔ایک تجربہ کار رہنماء کی قیادت میں وہ کام کررہے ہیں۔نتیش کمار نے جو وعدہ کیا تھا اس کو پورا کیا، وزیراعظم نریندر مودی نے گنگا کو صاف کرنے اور بنارس کو ٹوکیو شہر بنانے کا سبزباغ دیکھایا تھا،وہ کام آج تک پورا نہیں ہوسکا۔لیکن وزیراعلی نتیش کمار سئ جتنی امید تھی اس سے زیادہ کام کریں گے۔اس سے زیادہ کام ہوئے بھی ہیں۔ انہوں نے کہاکہ مہاگٹھ بندھن ملک وریاست کو نئی راہ دیکھائے گا۔ساتھ ملے ہیں تو آگے بھی جائیں گے اور ہر رشتے و ذمے داریوں کو نبھائیں گے
