نتیش کمار نے گنگا کا معائنہ کیا

ریاست بہار کے وزیراعلیٰ نتیش کمار نے چھٹھ کے مد نظر چھٹھ گھاٹوں کا معائنہ کیا۔

انہوں نے اسٹیمر سے دانا پور کے ناصری گنج سے پٹنہ سٹی کے کنگن گھاٹ تک گنگا گھاٹوں کا معائنہ کیا اور گھاٹوں کی صفائی، سیکورٹی کے بارے میں افسران کو خصوصی ہدایات دیں۔

وزیر اعلیٰ نے اسٹیمر پر پہنچتے ہی گنگا گھاٹوں کے نقشوں کا معائنہ کیا ۔ تقریبا دو گھنٹے تک ناصری گنج سے کنگن گھاٹ کے درمیان بنائے گئے تمام چھٹھ گھاٹوں کا وزیراعلیٰ نے قریب سے مشاہدہ کیا اور افسران کو ہدایات دیں کہ کسی بھی حالت میں چھٹھ ورتیوں کو دشواری نہ ہو ۔

گنگا گھاٹوں کے معائنہ کے بعد میڈیا اہلکاروں سے بات کر تے ہوئے وزیر اعلیٰ نے کہا کہ تمام لوگ ضلع انتظامیہ ، شہری ترقیات محکمہ ، میونسپل کارپوریشن کے افسران پورے طورپر سارا انتظام دیکھ رہے ہیں ۔

انہوں نے کہا کہ ہر برس چھٹھ سے قبل بھی آکر وہ گھاٹوں کی تعمیر کی تیاریوں کو دیکھتے ہیں۔

انہوں نے کہا کہ اس بار ہم لوگوں نے خصوصی طور پر توجہ دی ہے ۔ کیوںکہ گنگا ندی کے پانی کی سطح اس بار اونچی ہے ۔

جس کو دیکھتے ہوئے ہر طرح کے گھاٹ پراس بار بریکیڈنگ ضروری ہو گی تاکہ ایک دوسرے کے آگے لوگ نہ جاسکیں ۔