نتیش کمار نے کہا ہے کہ ماہ رمضان المبارک میں روزے داروں کے ذریعہ کی جانے والی عبادتوں سے ان کے اہل خانہ کے ساتھ ساتھ ریاست وملک میں امن و خوشحالی آئے گی۔ میری تمنا ہے کہ سماج میں امن، بھائی چارہ اور ہم آہنگی پورے طور پر قائم رہے۔
عید کا دن انعام کا دن ہے۔ خدا اس مبارک دن میں اپنے نیک بندوں کو انعام سے نوازتا ہے۔ خدا ہم سب پر رحمتوں کی بارش فرمائے اور ہم سب کی زندگی خوشی، امن وسلامتی سے لبریز رہے۔
وزیر اعلی نے کہا کہ بھارت ایک عظیم ملک ہے۔ یہاں مختلف مذاہب، فرقوں اور عقائد کے مابین باہمی ہم آہنگی، محبت اور رواداری بے مثال ہے۔ یہاں تمام لوگ ایک دوسرے کے تہواروں میں شامل ہوکر خوشیاں بانٹتے ہیں اور ایک دوسرے کے مذاہب کا احترام کرتے ہیں۔ اس سے ریاست اور ملک کو طاقت ملتی ہے۔
فی الحال کورونا وائرس کے انفیکشن کے پیش نظر، ہر فرد کو چوکنا رہنا ضروری ہے۔ آپ سب گھر کے اندرعبادت کریں۔ آپ کے تعاون سے ہی اس وبا سے نمٹنے میں کامیابی ملے گی۔
یواین آئی