پِنٹو سنگھ اپنے چار ساتھیوں سمیت ایک مارچ کو ضلع کپواڑہ کے ہندوارہ علاقے میں عسکریت پسندوں کے ساتھ تصادم میں ہلاک ہوگئے تھے۔
واضح رہے کہ پنٹو سنگھ کی لاش کو 3 مارچ کے دن پٹنہ کے ہوائی اڈے پر پہنچایا گیا تھا جہاں انہیں پورے سرکاری اعزاز کے ساتھ آخری سلامی دی گئی۔ اس موقع پر کوئی بھی ریاستی وزیر یا حکومت کا نمائندہ وہاں موجود نہیں تھا۔
اپوزیشن کی طرف سے تنقید اور لگائے گئے الزامات کے دفاع میں بہار کے وزیر اعلیٰ نیتش کمار نے سنکلپ ریلی کا حوالہ دے کر کہا کہ وہ مصروفیت کے باعث سنکلپ سنگھ کی سلامی میں شامل نہ ہوسکے۔
واضح رہے کہ سنکلپ ریلی یکم مارچ کو پٹنہ کے تاریخی میدان میں منعقد کی گئی تھی جس میں وزیر اعظم نریندر مودی نے بھی شرکت کی تھی اور وہاں عوام سے خطاب کیا تھا۔
قابل ذکر ہے کہ وزیراعلیٰ نتیش کمار کی طرف سے ہلاک ہونے والے فوجی اہلکار کے اہل خانہ کے لئے وزیراعلیٰ ریلیف فنڈ سے 25 لاکھ روپے اور حکومت بہار کی طرف سے 11 لاکھ روپے دینے کا اعلان کیا ہے۔