بی جے پی سمیت تمام سیاسی پارٹیوں کے دفتر بند

کورونا وائرس کے بڑھتے معاملات کے پیش نظر ریاست بہار کی تمام سیاسی پارٹیوں کے دفتر میں تالا لگا دیا گیا ہے۔

واضح رہے کہ گزشتہ روز بی جے پی کے 75 رہنما کورونا متاثر پائے گئے تھے۔

بہار میں کورونا وائرس پر قابو پانے کے لیے مکمل لاک ڈاؤن نافذ کیا گیا ہے۔جس کا اثر سیاسی پارٹیوں کے دفتر پر دیکھا جا رہا ہے۔

بی جے پی کے ریاستی صدر سنجے جیسوال اور ان کی اہلیہ کورونا متاثر پائی گئیں۔ اس کے بعد ریاستی بی جے پی دفتر کو پوری طرح بند کر دیا گیا ہے۔ آج بی جے پی کے رکن پارلیمان رام کرپال یادو اور ان کی اہلیہ کرونا مثبت پائے گئے۔ وہیں بی جے پی میں خوف کا ماحول ہے۔

ان سب کے درمیان جے ڈی یو اور بی جے پی کے ذریعہ انتخابات کی تیاریاں جاری ہے جے ڈی یو کے رہنما مسلسل ورچوئل ریلی کر رہے ہیں۔