آستانہ بیت الانوار میں سالانہ عرس اختتام پذیر

ریاست بہار میں آستانہ بیت الانوار کا دو روزہ عرس کی تقریبات اختتام پذیر ہوگئی ہے۔ بڑی تعداد میں عقیدت مندوں کا ہجوم موجود تھا۔

سجادہ نشین حضرت مولانا نعیم الہدی قادری کی دعا پر عرس کا اختتام ہوا ہے۔ عرس قادری نوری سراجی 87 واں اور 23 واں اختتام پذیر ہو گیا۔

دور دراز سے زائرین نے پہنچ کر اپنی عقیدت کا اظہار کیا ہے. بہار، جھارکھنڈ اڑیسہ چھتیس گڈھ کے عقیدت مندوں کا ہجوم ہوتا ہے اور سبھی اپنے پیرومرشد کی بارگاہ میں اپنی عقیدت کا اظہار کرتے ہیں۔

آستانہ بیت الانوار میں سالانہ عرس اختتام پذیر

ہر سال کی طرح امسال بھی آستانہ نوری سراجی پر سجادہ نشین کے ذریعے چادر پوشی و گل پوشی کی گئی۔

ملک اور خصوصی طور پر ریاست بہار کی سلامتی اور مہلک وبا کورونا وائرس کے خاتمے کے لئے دعائیں کی گئیں۔

امسال کورونا وائرس کی وجہہ سے عوامی سطح پر چادرپوشی وگلپوشی کا اہتمام بڑے پیمانے پر نہیں کرکے مخصوص انداز میں مذکورہ چیزوں کا اہتمام کیا گیا تھا۔

اس ضمن میں مولانا راغب مصباحی نے بتایا کہ سجادہ پیر طریقت حضرت مولانا الشاہ نعیم الہدی قادری کی سرپرستی میں سبھی تقریب منعقد ہوئی ہے.

اجتماعی طور پر حضرت الشاہ سراج الہدی صاحب قبلہ علیہ الرحمہ و حضرت الشاہ نورالہدی قادری علیہ الرحمہ کا عرس سراپا قدس منایا گیا ہے اور محتاط انداز میں زائرین کی آمد ہوئی ہے۔ جو بھی آئے ہیں وہ سب اپنی عقیدت کا نذرانہ پیش کیا۔

ساتھ ہی زائرین کو کورونا وبا سے بچنے کے لیے ماسک لگانے اور سینیٹائزر کے استعمال پر خصوصی ہدایت دی گئی تھی۔

واضح رہے کہ آستانہ بیت الانوار جنوبی بہار کی مرکزی خانقاہ کا حیثیت رکھتا ہے.

یہاں ملک وبیرون ملک کے عالم دین اور مشائخ عظام کی آمد ہوچکی ہے.

یہ خانقاہ سیاسی حلقوں میں بھی مقبول اور مرکز عقیدت ہے. یہاں وزیر اعلیٰ نتیش کمار سمیت بہار کے کئی وزراء اور بڑے رہنماؤں کی بھی آمد ہوتی ہے۔